Иже вуизы 50 ӵыжак выль автобусъёс!

Ижысь общественной транспорт арлы быдэ 165 миллион адямиосты нуллэ. Валамон ини, выль вуэм автобусъёс та ужез капчигес карозы. Машинаосты «Инфраструктура для жизни» программая басьтӥзы, со Россииысь Президентлэн Владимир Путинлэн дэмламезъя пыӵа.- Туала автобусъёс юрттозы калыкез ӟечгес нуллыны, - шуиз Удмуртиысь Правительстволэн Тӧроезлэн воштӥсез Роман Ефимов, - 2020-тӥ арысен ми 16 выль трамвай, 19 троллейбус басьтӥмы ни вал. Нош оглом учконо ке, али Ижын маршрутъёсы 100 трамвай но 107 троллейбус пота. Нош 2026-тӥ арлэн кутсконаз бордазы 50 выль Нефаз ватсаськоз на.Та юрттоз транспорт ветлон висъёсты кулэстыны.- Милям автобусъёсмы туала куронъёсты лыдэ басьтыса лэсьтэмын, - шуиз ИжГЭТ-лэн кивалтӥсез Игорь Сальников.Туспуктэм udmurt.ru