Удмуртиын «Ёлка желаний» акция кутскиз

Кун Кенешлэн юртысьтыз кыз вылысь 3 шудонэз туннэ басьтӥз Удмуртилэн Тӧроез Александр Бречалов. Шудонъёс вылын - пиналъёслэн пӧртэм куронъёссы. Яр ёросысь Егор, Маргарита но Софья быдэс семьяен Ижкаретӥ поръяны, Мунё театрысь представлениез учкыны быгатозы. Соослэн атайзы спецоперациын быремын.
Кизнер ёросысь Диляралы 4 арес гинэ ай. Со трос нылпио семьяын будэ, эмъяське элькунысьтымы клинической больницаын. Нылашлэн вал вылын ворттылэмез потэ. Но али со укыр пичи на, тазалыкез но лябгес. Соин ик тӧро солы лэчыратӥсь шудон вал кузьмалоз.
Удмуртилэн Тӧроез Александр Бречалов эшшо одӥг чагыр малпанэз быдэстоз. Подшефной Лутугинской округысь (ЛНР) Софьялы мунё но коляска кузьмалоз. Нылаш песянаеныз ӵош улэ.
Нылпиослэн правооссыя уполномоченной Ольга Авдеева пусйиз, «Ёлка желаний» акцие шаерысьтымы 90 нылпиослэн куронъёссы бичамын.
- Шумпоттэ, тросэз Удмуртиез ӟечгес тодыны тыршо, семьяосынызы пӧртэм интые вуылысалмы, шуо.
Туэ, «Огъя Россия» партия сюлмаськемъя, «Ёлка желаний» акция шаерысьтымы вань городъёсын но ёросъёсын ортчоз.Туспуктэм: udmurt.ru