Григорий Верещагинлы синпелет усьтӥзы Шаркан ёросысь Ляльшур гуртын

Григорий Верещагин — удмурт калыклэн югдытӥсез, тодосчи, писатель, вордскемезъя Вятка губерниысь Глазов уездысь Полом черкогуртысь (али со Кез ёрос) луэ ке но, трос аръёссэ ортчытӥзы Шаркан ёросын. Сосновка черкогуртысь, Шаркан черкогуртысь школаосын ужаз, нош собере — Ляльшур школаын. Соин ик шарканъёс сое асьсэлэн азьветлӥсенызы лыдъяло, ужъёссэ дунъяса но данъяса, нимзэ вунэтонтэм вылысь быдэс ёросэн синпелет пуктӥзы.Синпелет усьтонэ пыриськизы Шаркан ёрослэн йырыз Андрей Николаев, ёросысь Депутатъёслэн Кенешсылэн кивалтӥсез Дмитрий Орлов, «Удмурт Кенеш» огазеяськонлэн кивалтӥсезлэн воштӥсез, «Удмурт дунне» газетлэн валтӥсь редакторез Елена Миннигараева, Шаркан инты ёзлэн кивалтӥсез, «Удмурт Кенеш» огазеяськонлэн ёросысь ёзэныз кивалтӥсез Елена Перевозчикова, ёросысь инты ёзъёсын ужасьёс, школаосын дышетскисьёс но гуртоос.Синпелетлэсь эскиззэ лэсьтӥз Шаркан ёросысь Пороз гуртын вордӥськем суредась-скульптор Анатолий Аникин.Елена Перевозчикова пусйиз, синпелет пуктэмын инициативной бюджетированилы луыса. Кивалтӥсь тау кариз гуртоослы. «Удмурт Кенеш» огазеяськонлэн Тӧроезлэн Андрей Ураськинлэн нимыныз шарканъёслы, ляльшур гуртын улӥсьёслы
тау кариз Елена Миннигараева но.Синпелетэз усьтэм бере радъяськиз конференция.Пусъём, Ляльшурысь но Шарканысь урамъёс югдытӥсьлэсь нимзэ нулло. Ёросын удмуртлыкез утёнын но азинтонын мыло-кыдо ужась муртъёслы Григорий Верещагин нимо премия сёто.Туспуктэмъёс: «Удмурт дунне» газет, Шарканысь шаертодонъя музей