Удмурт кыллэн дунневыл нуналыз

Нырысетӥзэ со ортчиз 2018-тӥ арын 27-тӥ шуркынмонэ.

Ӵапак та нуналэ 2001-тӥ арын Удмурт элькунысь кун кылъёс но Удмурт элькунын улӥсь мукет калыкъёслэн кылъёссы сярысь кат юнматэмын вал. Соя ик удмурт кыл Удмуртиысь кун кылъёс радэ пыртэмын вал.
Ӟечкыласькомы дуннеысь вань удмуртъёсты но удмурт кылэз гажась адямиосты та дано праздникен — Удмурт кыллэн дунневыл нуналэныз!

 Вордскем кыл - со калыклэн узырлыкез, лулчеберетэз, тодон-валанэз, историез, калык визьлыкмылэсь вань чеберлыксэ но аспӧртэмлыксэ возьматон.

 Ӟечкыласькомы ваньзэс, кинлы дуно удмурт кылмы, кин тырше калыкеныз огкылысь луыны. Тау шуиськомы удмурт кылэз дышетӥсьёслы, кин сое котырласянь вӧлмытэ. Нимысьтыз тау анай-атайёслы, кудъёсыз кылзэс нылпиоссылы сёто, выжыослы гажан пыӵато. Удмурт кылмы сямъёсын, калыклэн историеныз герӟась нюжазы мед луоз.