«Удмурт Кенеш»-ын шараязы Данъян книгае пыртоно муртъёслэсь но Трокай Борисов нимо йӧскалык премилэн лауреатъёсызлэсь нимъёссэс

Трокай Борисов нимо йӧскалык премилэн 2025-тӥ ар понна лауреатъёсызлэн нимъёссы тодмо луизы. Соосты "Удмурт Кенеш" огазеяськонлэн исполкомаз юнматӥзы.

 Данъетэн пусъемын луозы "Удмурт Кенеш" огазеяськонлэн Дано Тӧроез Тубылов Валентин Кузьмич но дышетӥсьёсты дасянъя Можга карысь Трокай Борисов нимо колледжлэн директорез, "Удмурт Кенеш" огазеяськонлэн Можга ёзэтэзлэн кивалтӥсез Владимиров Григорий Спиридонович.

 Данъетъёс сӥё-дано сётэмын луозы 26-тӥ шуркынмонэ Пичи кенешын.

 Озьы ик шараямын вал "Удмурт Кенеш" огазеяськонлэн Данъян книгаяз пыртоно муртъёс но. 2025-тӥ ар понна данъямын луозы:
- Шайбакова Антонида Кутлыяровна, Башкортостанысь удмуртъёслэн лулчеберетъя йӧскалык центрзылэн ёзчиез, Вань удмуртъёслэн "Удмурт Кенеш" огазеяськонзылэн азьветлӥсез.
- Лебедева Надежда Михайловна, Вань удмуртъёслэн "Удмурт Кенеш" огазеяськонзылэн Глазов ёросысь ёзчиез.
- Мерзляков Николай Николаевич, Вань удмуртъёслэн "Удмурт Кенеш" огазеяськонзылэн Дэри ёросысь ёзчиез но Пичи Кенешлэн ёзчиез, Дэри ёросысь "Якшурский" интывыл ёзэтлэн кивалтӥсез.

 Ӟечкыласьком!