Вераськоме удмурт кылын

Удмуртиысь Кун Кенешлэн юртаз  удмурт кыллэн нуналэзлы сӥзем "Вераськоме удмурт кылын" нимо ужрад ортчиз.

 Пумиськонэ быдэс элькунысь азьветлӥсь дышетскисьёс, колледжъёсысь но техникумъёсысь студентъёс, дышетӥсьёс но тодосчиос, гожъясьёс но журналистъёс, мерлыко ужасьёс люкаськизы. Соос удмурт кылэз азинтон но утён, сое дышетонлэн кулэлыкез сярысь кенешизы.

 Ужрадын пӧртэм темаосъя докладъёс чузъяськизы. Дышетӥсьёс ужан амалъёссы пумысен вераськизы, пиналъёс яратоно ужъёссы но тунсыкъяськонъёссы сярысь мадизы.

 Пумиськонэз радъяз Кун Кенешлэн тӧроезлэн воштӥсез - тодосъя, дышетонъя, граждан обществолэсь институтъёссэ азинтонъя ялан ужась ӧрилэн кивалтӥсез Татьяна Ишматова. Пиналъёслы вазиськизы Кун Кенешлэн тӧроез Владимир Невоструев, Кун Кенешысь лулчеберетъя, туризмъя но йӧскалык политикая ялан ужась ӧрилэн кивалтӥсез, Вань удмуртъёслэн "Удмурт Кенеш" огазеяськонзылэн Тӧроез Андрей Ураськин, йӧскалык политикая министр Эдуард Петров, лулчеберетъя министр Владимир Соловьев.

 Тӧрлык ёзэсъёсын ужасьёс, пумиськонэ вуэм пиналъёс Удмуртилэн осконэз луо, соослэн киосазы удмурт калыклэн, лулчеберетлэн но кыллэн вуоноез шуыса пусйизы.