Удмуртиысь кун архивлэн лыдӟиськон залаз «105 лет Удмуртии» адӟытон (6+) усьтӥськиз

Удмуртилэн кунлык басьтэмез дырысен 105 ар тырмонэзлы сӥзем адӟытон тунсыко документъёс но туспуктэмъёс пыр возьматэмын. Та залын ик тодматскыны луэ «Газета в зеркале времени» адӟытонэн (6+). Сӥземын со «Удмурт дунне» газетлэн 110 ар тырмонэзлы.
Адӟытонэз усьтонэ пыриськизы Правительстволэн Тӧроезлэн воштӥсез Наталья Тойкина, Правительство бордысь Архив ужъёсъя комитетлэн кивалтӥсез Марина Кондратьева, Кун Кенешысь Кышкытлыклэсь утиськонъя, Кун Кенешлэсь ужзэ радъянъя ялан ужась комиссилэн кивалтӥсез Пётр Фомин, Удмуртиысь кун архивлэн кивалтӥсез Алевтина Никитина, Печатья но ивор вӧлмытонъя агентстволэн кивалтӥсез Александр Валов, Йӧскалык печатья юртлэн кивалтӥсез Зинаида Рябинина, «Удмурт дунне» газетлэн редакторез Елена Миннигараева, журналистъёс, студентъёс, дышетскисьёс но шаермылэн кылдэменыз тунсыкъяськисьёс.
Адӟытон ужатоз ноябрь толэзь пумозь.

Елена Слащёва.