Егитъёслэсь 220 проектъёссэс быдэстонлы элькун бюджетысь уксё висъяськоз

Правительстволэн юртаз «Атмосфера-2026» конкурслы йылпумъянъёс лэсьтэмын. Ужрадэз нуиз коньдон ужпумъёсъя министрлэн воштӥсез Татьяна Козлова.

Туэ «Атмосфера» конкурсын устоен лыдъямын 220 проектъёс. 109-эз сӥземын калык люкаськон интыосты пуктонлы-выльдонлы, 112 проектъёс — ужрадъёсты ортчытыны, 1-ез — интернет-проект. Соосты улонэ пыӵатонлы элькун бюджетысь 87 миллион манет висъяськоз.
— «Атмосфера» конкурс сӥземын егитъёслы. Со 6 ар радъяськытозь, конкурсэ 3 сюрс 328 кичӧлтонъёсынызы пыриськизы ни 16 сюрслэсь ятыр егитъёс. Быдэстэмын 1 сюрс 142 проектъёссы — 367,5 миллион манет тыр.

Туэ конкурсын устоен лыдъям кичӧлтонъёс пӧлын — Ижысь «Тэрег» проект. Со улсын Ижысь Ф.И. Васильевлы сӥзем бибилиотекаын усьтӥськоз нимысьтыз сэрег. Отын ортчылозы пӧртэм ужрадъёс, мастер-классъёс. Отын егитъёс дышетскозы киужен вырыны.
Глазовысь егитъёс «Арт-экосистема» ужрад ортчытозы. Со улсын Приволжск федерал округысь егитъёс вторсырьёлэсь 8-12 синпелет кылдытозы.

«Атмосфера-2026» конкурсын вормисе потэм проектъёс быдэсмозы туэ ар пумозь.

Туспуктэм: егитъёсын ужан политикая министрлэн Максим Файзулинлэн "ВКонтакте" бамысьтыз.